«Real» klubi rasmiy sayti orqali «Santyago Bernabeu» stadioniga Ispaniya yoki mamlakatning avtonom hududlari va shaharlari bayroqlarini olib kirish taqiqlangani haqidagi xabarlarni rad etdi.
«Bu yolg‘on. Klub qoidalari amaldagi qonunchilik talablariga mos keladi va, albatta, bunday cheklovlarni nazarda tutmaydi. Biz doimo stadionga mamlakatimizning rasmiy bayroqlarini olib kirishga ruxsat berib kelganmiz», — deyiladi klub bayonotida.
Seshanba kuni «Real» Chempionlar ligasi doirasida «Santyago Bernabeu»da «Inter»ni qabul qiladi.
