«Реал» клуби расмий сайти орқали «Сантьяго Бернабеу» стадионига Испания ёки мамлакатнинг автоном ҳудудлари ва шаҳарлари байроқларини олиб кириш тақиқлангани ҳақидаги хабарларни рад этди.
«Бу ёлғон. Клуб қоидалари амалдаги қонунчилик талабларига мос келади ва, албатта, бундай чекловларни назарда тутмайди. Биз доимо стадионга мамлакатимизнинг расмий байроқларини олиб киришга рухсат бериб келганмиз», — дейилади клуб баёнотида.
Сешанба куни «Реал» Чемпионлар лигаси доирасида «Сантьяго Бернабеу»да «Интер»ни қабул қилади.
