«Shaxtyor»ning darvozabonlar murabbiyi Andrey Pyatov jamoasining UYEFA Chempionlar ligasi 2026/2027 yilgi mavsumi umumiy bosqichidagi raqiblari haqida fikr bildirdi.

«Chempionlar ligasida kuchsiz raqib bo‘lmaydi. Eng muhimi — hech bir jamoani mensimaslikka yo‘l qo‘ymaslik. Hozir ko‘pchilik «Shaxtyor»ga qur’ada omad kulib boqqanini aytmoqda. Ammo ishoning, ayrimlar o‘rta saviyali deb ataydigan jamoalarga qarshi o‘ynash ba’zan grandlarga qarshi maydonga tushishdan ham qiyinroq bo‘ladi.

Menimcha, o‘sha «Real»ga qarshi o‘ynash «Sporting» yoki PSV bilan o‘ynashdan osonroq», — dedi Pyatov «Priyatniy futbol» YouTube kanaliga bergan intervyusida.

«Shaxtyor» Chempionlar ligasining umumiy bosqichida «Real», «Inter», «Sporting», PSV, «Fenerbaxche», «Leypsig», AYEK va «Slovan»ga qarshi bahs olib boradi.

Ukraina klubi 10 sentyabr kuni o‘tkaziladigan 1-turda PSV mehmoni bo‘ladi.