«Шахтёр»нинг дарвозабонлар мураббийи Андрей Пятов жамоасининг УЕФА Чемпионлар лигаси 2026/2027 йилги мавсуми умумий босқичидаги рақиблари ҳақида фикр билдирди.

«Чемпионлар лигасида кучсиз рақиб бўлмайди. Энг муҳими — ҳеч бир жамоани менсимасликка йўл қўймаслик. Ҳозир кўпчилик «Шахтёр»га қуръада омад кулиб боққанини айтмоқда. Аммо ишонинг, айримлар ўрта савияли деб атайдиган жамоаларга қарши ўйнаш баъзан грандларга қарши майдонга тушишдан ҳам қийинроқ бўлади.

Менимча, ўша «Реал»га қарши ўйнаш «Спортинг» ёки ПСВ билан ўйнашдан осонроқ», — деди Пятов «Приятный футбол» YouTube каналига берган интервьюсида.

«Шахтёр» Чемпионлар лигасининг умумий босқичида «Реал», «Интер», «Спортинг», ПСВ, «Фенербахче», «Лейпциг», АЕК ва «Слован»га қарши баҳс олиб боради.

Украина клуби 10 сентябрь куни ўтказиладиган 1-турда ПСВ меҳмони бўлади.