«Aston Villa» bosh murabbiyi Unai Emeri UEFA Chempionlar ligasi umumiy bosqichi 1-turida «Bryugge»ga qarshi o‘tadigan safar uchrashuvidan nimalar kutayotganini aytdi.

«Ertaga bizni yevrokuboklarda, Chempionlar ligasida yangi sinov kutmoqda. Biz safarda «Bryugge»dek jamoaga qarshi maydonga tushamiz.

Ular yaxshi o‘yin ko‘rsatmoqda. So‘nggi ikki yilda bu jamoa bilan uch marta uchrashdik va ular o‘z imkoniyatlarini namoyish etdi. Hozir «Bryugge»ning murabbiyi va futbolchilari o‘zgargan, ammo ayrim o‘yinchilar jamoada qolgan. Bizning tarkibimizda ham yangi futbolchilar bor. Yevrokuboklarda esa har doim qiyinchiliklarga duch kelasiz.

Biz diqqatni yo‘qotmasdan, raqibga hurmat bilan o‘ynashimiz, kurashishimiz va jamoa sifatida eng yaxshi tomonimizni ko‘rsatishimiz kerak. Menimcha, «Hall Siti»ga qarshi so‘nggi uchrashuvda jamoaviy va individual jihatdan muayyan o‘sishga erishganimizni ko‘rsatdik», — dedi Emeri.

«Bryugge» — «Aston Villa» uchrashuvi 8 sentyabr kuni Bryugge shahrida bo‘lib o‘tadi.