«Астон Вилла» бош мураббийи Унаи Эмери УЕФА Чемпионлар лигаси умумий босқичи 1-турида «Брюгге»га қарши ўтадиган сафар учрашувидан нималар кутаётганини айтди.

«Эртага бизни еврокубокларда, Чемпионлар лигасида янги синов кутмоқда. Биз сафарда «Брюгге»дек жамоага қарши майдонга тушамиз.

Улар яхши ўйин кўрсатмоқда. Сўнгги икки йилда бу жамоа билан уч марта учрашдик ва улар ўз имкониятларини намойиш этди. Ҳозир «Брюгге»нинг мураббийи ва футболчилари ўзгарган, аммо айрим ўйинчилар жамоада қолган. Бизнинг таркибимизда ҳам янги футболчилар бор. Еврокубокларда эса ҳар доим қийинчиликларга дуч келасиз.

Биз диққатни йўқотмасдан, рақибга ҳурмат билан ўйнашимиз, курашишимиз ва жамоа сифатида энг яхши томонимизни кўрсатишимиз керак. Менимча, «Ҳалл Сити»га қарши сўнгги учрашувда жамоавий ва индивидуал жиҳатдан муайян ўсишга эришганимизни кўрсатдик», — деди Эмери.

«Брюгге» — «Астон Вилла» учрашуви 8 сентябрь куни Брюгге шаҳрида бўлиб ўтади.