«Lion» sport direktori Matyo Lui-Jan yozgi transfer oynasida Karim Benzemani klubga qaytarish bo‘yicha muzokaralar o‘tkazilganini tasdiqladi.

«Haqiqatan ham, yozda vositachi orqali Karim bilan aloqa bo‘ldi. Menimcha, bu transferni amalga oshirish imkonsiz edi, chunki uning amaldagi shartnomasi bunga to‘sqinlik qilardi. Karim — buyuk futbolchi. O‘sha paytda biz hujumchi izlayotgan edik, ammo muzokaralar bundan nariga o‘tmadi», — dedi Lui-Jan.

Avvalroq 38 yoshli futbolchining «Al-Hilol» bilan amaldagi shartnomasi borligi sababli transfer amalga oshmagani xabar qilingan edi.

Shu bilan birga, Benzema 2030 yilgacha Saudiya Arabistoni chempionatining elchisi hisoblanadi va mazkur kelishuv shartlarini bajarish niyatida. Bu majburiyat uning boshqa mamlakat klubi bilan shartnoma imzolashiga to‘sqinlik qilishi mumkin.

Fransiyalik futbolchi 31 avgust kuni Saudiya Arabistoni klubi bilan shartnomasini bekor qildi. «L'Eqipe» nashri Fransiya milliy jamoasining sobiq hujumchisi yaqin vaqt ichida faoliyatini yakunlashi ehtimoli oshib borayotganini ta’kidlagan.