«Bornmut» hujumchisi Evanilsonga Angliya Premyer-ligasining ikki grandi qiziqish bildirmoqda.

Insayder Ekrem Konurning xabar berishicha, braziliyalik futbolchini Londonning «Arsenal» va «Manchester Yunayted» klublari o‘z safiga qo‘shib olmoqchi.

Har ikki jamoa qishki transfer oynasida hujum chizig‘ini kuchaytirishni rejalashtirmoqda. Evanilson ular ko‘rib chiqayotgan nomzodlar ro‘yxatidan joy olgan.

26 yoshli hujumchi «Bornmut» safida 75 ta uchrashuv o‘tkazib, 18 ta gol urgan va 11 ta golli uzatmani amalga oshirgan.

Transfermarkt mutaxassislari Evanilsonning bozor qiymatini 35 million yevroga baholamoqda. Uning «Bornmut» bilan amaldagi shartnomasi 2029 yilning yozigacha mo‘ljallangan.