«Борнмут» ҳужумчиси Эванилсонга Англия Премьер-лигасининг икки гранди қизиқиш билдирмоқда.
Инсайдер Экрем Конурнинг хабар беришича, бразилиялик футболчини Лондоннинг «Арсенал» ва «Манчестер Юнайтед» клублари ўз сафига қўшиб олмоқчи.
Ҳар икки жамоа қишки трансфер ойнасида ҳужум чизиғини кучайтиришни режалаштирмоқда. Эванилсон улар кўриб чиқаётган номзодлар рўйхатидан жой олган.
26 ёшли ҳужумчи «Борнмут» сафида 75 та учрашув ўтказиб, 18 та гол урган ва 11 та голли узатмани амалга оширган.
Transfermarkt мутахассислари Эванилсоннинг бозор қийматини 35 миллион еврога баҳоламоқда. Унинг «Борнмут» билан амалдаги шартномаси 2029 йилнинг ёзигача мўлжалланган.
