"Milan" afsonasi Ruud Gullitning sobiq rafiqasi Estel Kroyf Niderlandiya televideniyesi efirida ularning nikohi buzilishiga sabab bo‘lgan voqeani esladi.

"Bu men turmush o‘rtog‘imni o‘z uyimizning mehmonxonasida boshqa ayol bilan ushlab olganimdan keyin sodir bo‘ldi. Men xonaga farzandlarim bilan kirdim, qizim ham, o‘g‘lim ham barchasini ko‘rdi. Shuning uchun ajrashdim.

Bunday voqeani tezda unutib bo‘lmaydi. Albatta, vaqt o‘tishi bilan og‘riq kamayadi. Vaqt barcha yaralarni davolaydi, ammo insonda har doim ham kutish uchun yetarlicha vaqt bo‘lavermaydi", — dedi Kroyf.

Keyinchalik Estel o‘ziga nisbatan 21 yosh kichik bo‘lgan, Marokashda tug‘ilgan kikboksing bo‘yicha jahon chempioni Badr Xari bilan munosabat o‘rnatgan.

"Ruud bir narsani bilishi kerak: Badr meni undan tortib olmagan. Ruudning o‘zi meni boy bergan. Uni tark etayotganimni aytganimda, u juda g‘azablandi.

Albatta, Ruudning boshqa ayollar bilan munosabatlari bo‘lgan. Nikohimiz davomida u menga doimo xiyonat qilardi. Men buni bilardim, u esa hammasini doim rad etardi. Yillar o‘tishi bilan unga bo‘lgan ishonchim tobora kamaydi. Oxir-oqibat unga umuman ishonmay qo‘ydim", — dedi Yoxan Kroyfning jiyani bo‘lgan Estel.