"Monako"ning rossiyalik yarim himoyachisi Aleksandr Golovin Rossiya Premyer-ligasiga qaytishga qarshi emas. Bu haqda taniqli agent Timur Gurskaya Eto futbol, brat! kanalidagi Itogi dasturining yangi sonida ma’lum qildi.

Gurskayaning so‘zlariga ko‘ra, 30 yoshli futbolchi yozgi transfer oynasining so‘nggi kunlarida uni o‘z safiga qo‘shib olishga qiziqqan Sankt-Peterburgning "Zenit" klubi bilan muzokara o‘tkazishga rozi bo‘lgan.

Agar "Zenit" Golovin bilan kelishuvga erishsa, transfer qiymati 15 million yevroni tashkil qilishi mumkinligi aytilmoqda.

Yarim himoyachi yangi mavsumda barcha musobaqalar doirasida to‘rtta o‘yin o‘tkazib, bitta gol urdi va ikkita golli uzatmani amalga oshirdi.