Rossiya Premyer Ligasining 7-turi doirasida “Rubin” va “Axmat” jamoalari o‘zaro bahs olib bordi. Uchrashuv 1:1 hisobidagi durang bilan yakunlandi.
Mazkur bahsda O‘zbekiston terma jamoasi himoyachisi Jahongir O‘rozov “Rubin”ning asosiy tarkibida maydonga tushib, uchrashuvni to‘liq o‘tkazdi. Himoyachi o‘yin davomida to‘p bilan 81 marta muomala qildi. U amalga oshirgan 61 ta uzatmaning 52 tasi aniq bo‘lib, bu 85 foizlik aniqlikni tashkil etdi.
Sofascore portali Jahongir O‘rozovning harakatlarini 8 ball bilan baholab, uni uchrashuvning eng yaxshi futbolchisi deb topdi.
