Aleksandr Usik jamoasi direktori Sergey Lapin Tayson Fyurining jangga chaqiruviga javob berdi.
Avvalroq Fyuri Entoni Joshua u bilan jang qilishdan bosh tortganini aytgan va britaniyalik bokschi o‘rniga Usikni jangga chiqishga taklif qilgan edi.
«Usik Tayson uchun zaxira varianti emas. Aleksandr har doim jiddiy chaqiruvlarga ochiq, ammo jiddiy niyatlar matbuotdagi bayonotlar bilan emas, aniq taklif bilan tasdiqlanishi kerak», — dedi Lapin.
Fyuri va Joshua joriy yil kuzida jang o‘tkazishi kerak, ammo hozircha uning qayerda bo‘lib o‘tishi borasida kelisha olishmayapti. Tashkilotchilar AQSHda jang o‘tkazishni talab qilmoqda, Joshua tomoni esa jang Britaniyada bo‘lishini istamoqda.
