Александр Усик жамоаси директори Сергей Лапин Тайсон Фьюрининг жангга чақирувига жавоб берди.
Аввалроқ Фьюри Энтони Жошуа у билан жанг қилишдан бош тортганини айтган ва британиялик боксчи ўрнига Усикни жангга чиқишга таклиф қилган эди.
«Усик Тайсон учун захира варианти эмас. Александр ҳар доим жиддий чақирувларга очиқ, аммо жиддий ниятлар матбуотдаги баёнотлар билан эмас, аниқ таклиф билан тасдиқланиши керак», — деди Лапин.
Фьюри ва Жошуа жорий йил кузида жанг ўтказиши керак, аммо ҳозирча унинг қаерда бўлиб ўтиши борасида келиша олишмаяпти. Ташкилотчилар АҚШда жанг ўтказишни талаб қилмоқда, Жошуа томони эса жанг Британияда бўлишини истамоқда.
