«Barselona» bosh murabbiyi Xansi Flik jamoaning bir nechta futbolchisi 2026 yilgi «Oltin to‘p»ni qo‘lga kiritish uchun real imkoniyatga ega ekanini aytdi.

«Albatta, bizda juda ko‘p ajoyib futbolchilar bor va ulardan biri «Oltin to‘p»ni yutsa, men juda xursand bo‘laman. Lekin bu mening vazifam emas. Eng muhimi — har kuni to‘g‘ri munosabat va mentalitetni saqlash. Ulardan bir nechtasi bu sovrinni yutishi mumkin», — dedi Flik.

Joriy mavsum davomida «Barselona»ning bir qator futbolchilari o‘z o‘yini bilan e’tibor markazida bo‘lib, «Oltin to‘p»ga nomzodlar qatoriga kiritildi.

Shunga qaramay, Flik individual e’tirofdan ko‘ra, futbolchilarning har kuni to‘g‘ri mentalitet va yuqori mas’uliyat bilan ishlashi muhimroq ekanini ta’kidladi.