«Барселона» бош мураббийи Ханси Флик жамоанинг бир нечта футболчиси 2026 йилги «Олтин тўп»ни қўлга киритиш учун реал имкониятга эга эканини айтди.
«Албатта, бизда жуда кўп ажойиб футболчилар бор ва улардан бири «Олтин тўп»ни ютса, мен жуда хурсанд бўламан. Лекин бу менинг вазифам эмас. Энг муҳими — ҳар куни тўғри муносабат ва менталитетни сақлаш. Улардан бир нечтаси бу совринни ютиши мумкин», — деди Флик.
Жорий мавсум давомида «Барселона»нинг бир қатор футболчилари ўз ўйини билан эътибор марказида бўлиб, «Олтин тўп»га номзодлар қаторига киритилди.
Шунга қарамай, Флик индивидуал эътирофдан кўра, футболчиларнинг ҳар куни тўғри менталитет ва юқори масъулият билан ишлаши муҳимроқ эканини таъкидлади.
