«Napoli» yarim himoyachisi Skott Maktominey yuragida aniqlangan yengil va xavfsiz aritmiya sabab jarrohlik amaliyotidan o‘tdi.

Italiya klubi ma’lum qilishicha, futbolchiga yurak ablyasiyasi amaliyoti o‘tkazilgan va jarayon muvaffaqiyatli yakunlangan.

Maktominey mashg‘ulotlarga qaytishidan oldin taxminan ikki hafta davomida tiklanish jarayonidan o‘tadi.

O‘tgan mavsumda shotlandiyalik yarim himoyachi A Seriyada 33 ta o‘yin o‘tkazib, 10 ta gol urdi va 3 ta golli uzatmani amalga oshirdi.

Joriy Italiya chempionatida esa u hozirga qadar 2 ta uchrashuvda maydonga tushgan.