«Наполи» ярим ҳимоячиси Скотт Мактоминей юрагида аниқланган енгил ва хавфсиз аритмия сабаб жарроҳлик амалиётидан ўтди.

Италия клуби маълум қилишича, футболчига юрак абляцияси амалиёти ўтказилган ва жараён муваффақиятли якунланган.

Мактоминей машғулотларга қайтишидан олдин тахминан икки ҳафта давомида тикланиш жараёнидан ўтади.

Ўтган мавсумда шотландиялик ярим ҳимоячи А Серияда 33 та ўйин ўтказиб, 10 та гол урди ва 3 та голли узатмани амалга оширди.

Жорий Италия чемпионатида эса у ҳозирга қадар 2 та учрашувда майдонга тушган.