«Nyukasl» himoyachisi Lyuis Xoll yaqin vaqt ichida klub bilan yangi shartnoma imzolashi mumkin.
Bu haqda jurnalist Ben Jeykobs Aleks Kruk ma’lumotlariga tayanib xabar berdi.
Manbaga ko‘ra, Xollga jamoaning yangi bosh murabbiyi Mattias Yayssle qo‘l ostida ishlash juda yoqmoqda. Shu sababli so‘nggi haftalarda futbolchi bilan shartnomani uzaytirish bo‘yicha muzokaralar sezilarli darajada tezlashgan.
Qayd etilishicha, Xoll bilan yangi kelishuv tuzish «Nyukasl» sport direktori Ross Uilson uchun ustuvor vazifalardan biri hisoblanadi.
Avvalroq «Manchester Yunayted» 2027 yilda himoyachini sotib olishga yana urinib ko‘rishi mumkinligi xabar qilingandi. Manchester klubi o‘tgan yozda Xollni o‘z safiga qo‘shib olishga muvaffaq bo‘lmagan.
Joriy mavsumda 22 yoshli futbolchi barcha musobaqalar doirasida to‘rtta o‘yinda ishtirok etib, bitta golli uzatmani amalga oshirdi.
