«Ньюкасл» ҳимоячиси Льюис Холл яқин вақт ичида клуб билан янги шартнома имзолаши мумкин.

Бу ҳақда журналист Бен Жейкобс Алекс Крук маълумотларига таяниб хабар берди.

Манбага кўра, Холлга жамоанинг янги бош мураббийи Маттиас Яйссле қўл остида ишлаш жуда ёқмоқда. Шу сабабли сўнгги ҳафталарда футболчи билан шартномани узайтириш бўйича музокаралар сезиларли даражада тезлашган.

Қайд этилишича, Холл билан янги келишув тузиш «Ньюкасл» спорт директори Росс Уилсон учун устувор вазифалардан бири ҳисобланади.

Аввалроқ «Манчестер Юнайтед» 2027 йилда ҳимоячини сотиб олишга яна уриниб кўриши мумкинлиги хабар қилинганди. Манчестер клуби ўтган ёзда Холлни ўз сафига қўшиб олишга муваффақ бўлмаган.

Жорий мавсумда 22 ёшли футболчи барча мусобақалар доирасида тўртта ўйинда иштирок этиб, битта голли узатмани амалга оширди.