«Real» Chempionlar ligasi umumiy bosqichi 1-turida o‘z maydonida «Inter»ni 2:1 hisobida mag‘lub etdi.

Uchrashuvda hisobni 14-daqiqada Kilian Mbappe ochdi.

Oradan to‘qqiz daqiqa o‘tib, Federiko Valverde madridliklarning ustunligini oshirdi. «Inter» darvozaboni Xosep Martines xatoga yo‘l qo‘ydi va Valverde darvoza yaqinida undan to‘pni olib qo‘yib, imkoniyatdan unumli foydalandi.

Ikkinchi bo‘limda «Inter» gollardan birining javobini qaytardi. 77-daqiqada Karlos Augustu to‘pni darvozaga yo‘llab, hisobni 2:1 ko‘rinishiga keltirdi.

Qolgan vaqtda hisob o‘zgarmadi va «Real» uch ochkoni qo‘lga kiritdi.