«Manchester Siti» Chempionlar ligasi 1-turida safarda «Portu»ni 2:0 hisobida mag‘lub etdi. Uchrashuvdagi har ikki golga Erling Xoland mualliflik qildi. O‘yindan so‘ng norvegiyalik hujumchi o‘z fikrlari bilan o‘rtoqlashdi.

«Portu» — juda yaxshi jamoa. Rostini aytsam, ular menda yaxshi taassurot qoldirdi. Juda chiroyli futbol o‘ynaydi va maqtovga loyiq. Ammo bizga natija kerak edi va bugun uni qo‘lga kiritdik.

Birinchi bo‘limda o‘yinni nazorat qildik. Ular biroz yuqoriroq pressing qila boshlaganda ma’lum darajada qiyinchilik tug‘ildi, ammo biz ko‘plab vaziyatlar yaratdik. Men yana ko‘proq gol urishim ham mumkin edi.

Chempionlar ligasida g‘alaba qozonish juda muhim, aks holda bosim kuchayib ketadi. Biz bir-birimizdan ko‘p narsa talab qilishimiz kerak. «Manchester Siti»da sen doim g‘alaba qilishing va sovrinlar yutishing shart.

Mareska xursand bo‘ladimi? Umid qilaman. Biz juda qiyin safar o‘yinida g‘alaba qozondik. Bu yerdagi muhit qanday bo‘lganini o‘zingiz ko‘rdingiz», — dedi Holand Amazon Prime efirida.

«Manchester Siti» navbatdagi o‘yinini 13 sentyabr kuni «Manchester Yunayted»ga qarshi o‘tkazadi.