«Манчестер Сити» Чемпионлар лигаси 1-турида сафарда «Порту»ни 2:0 ҳисобида мағлуб этди. Учрашувдаги ҳар икки голга Эрлинг Холанд муаллифлик қилди. Ўйиндан сўнг норвегиялик ҳужумчи ўз фикрлари билан ўртоқлашди.

«Порту» — жуда яхши жамоа. Ростини айтсам, улар менда яхши таассурот қолдирди. Жуда чиройли футбол ўйнайди ва мақтовга лойиқ. Аммо бизга натижа керак эди ва бугун уни қўлга киритдик.

Биринчи бўлимда ўйинни назорат қилдик. Улар бироз юқорироқ прессинг қила бошлаганда маълум даражада қийинчилик туғилди, аммо биз кўплаб вазиятлар яратдик. Мен яна кўпроқ гол уришим ҳам мумкин эди.

Чемпионлар лигасида ғалаба қозониш жуда муҳим, акс ҳолда босим кучайиб кетади. Биз бир-биримиздан кўп нарса талаб қилишимиз керак. «Манчестер Сити»да сен доим ғалаба қилишинг ва совринлар ютишинг шарт.

Мареска хурсанд бўладими? Умид қиламан. Биз жуда қийин сафар ўйинида ғалаба қозондик. Бу ердаги муҳит қандай бўлганини ўзингиз кўрдингиз», — деди Ҳоланд Amazon Prime эфирида.

«Манчестер Сити» навбатдаги ўйинини 13 сентябрь куни «Манчестер Юнайтед»га қарши ўтказади.