«Inter» bosh murabbiyi Kivu jamoa darvozaboni Xosep Martinesning «Real»ga qarshi Chempionlar ligasi bahsidagi o‘yini haqida fikr bildirdi.
Milanliklar 1:2 hisobida mag‘lub bo‘lgan uchrashuvda Martines ikkinchi gol oldidan xatoga yo‘l qo‘ydi. Biroq shundan keyin u bir necha bor jamoasini muqarrar gollardan saqlab qoldi.
«Eng muhimi — xatodan keyin qanday reaksiya qilishing. U yuqori darajali darvozabonga xos tarzda javob qaytardi: konsentrasiyani yo‘qotmadi va bir nechta ajoyib seyv amalga oshirdi.
Bu faqat darvozabonlarga taalluqli emas. Har qanday futbolchi uchun xatodan keyin boshini egib qolmaslik va o‘ziga bo‘lgan ishonchni qayta tiklash juda muhim», — deya Kivuning so‘zlarini Football Italia keltiradi.
Avvalroq «Inter» bosh murabbiyi mazkur uchrashuv natijasi haqida ham fikr bildirgan edi.
