«Real»ning yulduz hujumchisi Kilian Mbappe Chempionlar ligasida g‘alaba qozonish va «Oltin to‘p»ni qo‘lga kiritish o‘rtasidagi tanlovini ma’lum qildi.
Fransiyalik futbolchi avvalroq «Oltin to‘p»ga munosib ekanini va ovoz berish imkoniyati bo‘lsa, o‘ziga ovoz berishini aytgan edi. Biroq u shaxsiy manfaatlarni jamoaviy maqsadlardan ustun qo‘ymasligini ta’kidladi.
«Men uchun «Real» bilan Chempionlar ligasida g‘alaba qozonish «Oltin to‘p»ni olishdan muhimroq», — deya Mbappening so‘zlarini The Touchline keltiradi.
Eslatib o‘tamiz, «Real» Chempionlar ligasidagi mavsumni o‘z maydonida «Inter» ustidan 2:1 hisobidagi g‘alaba bilan boshladi.
Madridliklar safida Kilian Mbappe va Federiko Valverde gol urdi. «Inter»ning yagona goliga Karlos Augusto mualliflik qildi.
