«Реал»нинг юлдуз ҳужумчиси Килиан Мбаппе Чемпионлар лигасида ғалаба қозониш ва «Олтин тўп»ни қўлга киритиш ўртасидаги танловини маълум қилди.

Франциялик футболчи аввалроқ «Олтин тўп»га муносиб эканини ва овоз бериш имконияти бўлса, ўзига овоз беришини айтган эди. Бироқ у шахсий манфаатларни жамоавий мақсадлардан устун қўймаслигини таъкидлади.

«Мен учун «Реал» билан Чемпионлар лигасида ғалаба қозониш «Олтин тўп»ни олишдан муҳимроқ», — дея Мбаппенинг сўзларини The Touchline келтиради.

Эслатиб ўтамиз, «Реал» Чемпионлар лигасидаги мавсумни ўз майдонида «Интер» устидан 2:1 ҳисобидаги ғалаба билан бошлади.

Мадридликлар сафида Килиан Мбаппе ва Федерико Вальверде гол урди. «Интер»нинг ягона голига Карлос Аугусто муаллифлик қилди.