«Inter» hujumchisi Lautaro Martines Chempionlar ligasi umumiy bosqichi 1-turida «Real»ga qarshi safar o‘yinidan so‘ng fikr bildirdi. Milanliklar Madridda 1:2 hisobida mag‘lub bo‘ldi.
«Eng alamlisi, raqib gol urgan vaziyatlarni o‘zimiz unga sovg‘a qildik. Shu bilan birga, o‘z imkoniyatlarimizdan ham foydalana olmadik.
Shunga qaramay, bu yerdan boshimizni baland ko‘tarib ketyapmiz. Biz ajoyib raqibga qarshi juda yuqori darajada o‘yin o‘tkazdik», — deya Martinesning so‘zlarini The Touchline keltiradi.
Chempionlar ligasi umumiy bosqichining 2-turida «Inter» 13 oktyabr kuni o‘z maydonida «Bryugge»ni qabul qiladi.
Eslatib o‘tamiz, o‘tgan mavsum «Inter» Chempionlar ligasini erta tark etgan edi. Milanliklar 1/16 finalda sensasion tarzda «Bude-Glimt»ga imkoniyatni boy bergan.
