Milanning «Inter» klubi sobiq afsonasi Juzeppe Bergomi jamoaning «Real»ga qarshi o‘tkazgan o‘yini haqida fikr bildirdi. U jamoa bosh murabbiyi Kristian Kivu chiroyli, ammo xavfli futbolni tanlaganini ta’kidladi.

«Evropa musobaqalarida 3-5-2 sxemasidan yo «Inter» kabi — ortiqcha tavakkal qilib foydalanish kerak, yoki umuman ishlatmaslik lozim. «Inter» tomoshabop va jasoratli, ammo juda xavfli futbol namoyish etmoqda. Jamoa to‘pni nazorat qilishi kerak, chunki busiz himoyadan sifatli chiqishni tashkil etib bo‘lmaydi. Biroq paslarga urg‘u berilgan bunday o‘yin uslubi xatolar ehtimolini oshiradi», — dedi Bergomi.

«Inter» Chempionlar ligasidagi navbatdagi o‘yinini «Bryugge»ga qarshi o‘tkazadi.