Portugaliyalik markaziy himoyachi Diogo Leyte «Lasio» futbolchisiga aylandi.
27 yoshli futbolchi «Union» bilan shartnomasi yakunlanganidan so‘ng Rim klubiga erkin agent sifatida qo‘shildi. U «Lasio» bilan ikki yillik shartnoma imzoladi, kelishuvni yana ikki mavsumga uzaytirish imkoniyati ham bor.
«Bugun men uchun alohida kun. Men «Lasio»ga kelishni istagandim va nihoyat bu kun ham yetib keldi. Bu katta tarixga ega klub. «Lasio»ning qiziqishi haqida mart oyidayoq bilgandim va boshqa klublarning takliflarini rad etib, shu yerga kelishni istadim», — dedi Leyte.
