Португалиялик марказий ҳимоячи Диого Лейте «Лацио» футболчисига айланди.

27 ёшли футболчи «Унион» билан шартномаси якунланганидан сўнг Рим клубига эркин агент сифатида қўшилди. У «Лацио» билан икки йиллик шартнома имзолади, келишувни яна икки мавсумга узайтириш имконияти ҳам бор.

«Бугун мен учун алоҳида кун. Мен «Лацио»га келишни истагандим ва ниҳоят бу кун ҳам етиб келди. Бу катта тарихга эга клуб. «Лацио»нинг қизиқиши ҳақида март ойидаёқ билгандим ва бошқа клубларнинг таклифларини рад этиб, шу ерга келишни истадим», — деди Лейте.