«Shaxtyor» bosh murabbiyi Arda Turan jamoasining Chempionlar ligasi umumiy bosqichi startiga qay darajada tayyor ekani haqida fikr bildirdi.
«Umuman olganda, futbolchilarim Chempionlar ligasiga tayyor emas. Futbolda ikki hafta ichida ko‘p narsani o‘zgartirishning iloji yo‘q. Qolganini vaqt ko‘rsatadi.
Futbolchilarim Chempionlar ligasiga tayyor bo‘lmasligi mumkin, ammo ular g‘alaba qozonishga tayyor», — deya murabbiyning so‘zlarini klub matbuot xizmati keltiradi.
Chempionlar ligasi umumiy bosqichining 1-turida «Shaxtyor» safarda Niderlandiyaning PSV klubiga qarshi maydonga tushadi.
Uchrashuv bugun, 10 sentyabr kuni Eyndxovenda bo‘lib o‘tadi.
