«Шахтёр» бош мураббийи Арда Туран жамоасининг Чемпионлар лигаси умумий босқичи стартига қай даражада тайёр экани ҳақида фикр билдирди.
«Умуман олганда, футболчиларим Чемпионлар лигасига тайёр эмас. Футболда икки ҳафта ичида кўп нарсани ўзгартиришнинг иложи йўқ. Қолганини вақт кўрсатади.
Футболчиларим Чемпионлар лигасига тайёр бўлмаслиги мумкин, аммо улар ғалаба қозонишга тайёр», — дея мураббийнинг сўзларини клуб матбуот хизмати келтиради.
Чемпионлар лигаси умумий босқичининг 1-турида «Шахтёр» сафарда Нидерландиянинг ПСВ клубига қарши майдонга тушади.
Учрашув бугун, 10 сентябрь куни Эйндховенда бўлиб ўтади.
