«Brayton» vingeri Kaoru Mitoma qishki transferlar oynasida jamoani tark etishi mumkin.
TEAMtalk ma’lumotiga ko‘ra, yapon futbolchisining klub bilan shartnomani uzaytirish ehtimoli ayni paytda juda past. Tomonlar o‘rtasida muzokaralar olib borilgan, ammo ular natijasiz yakunlangan.
Shu sababli Mitomaning yanvar oyida boshqa jamoaga o‘tish ehtimoli oshgan.
29 yoshli futbolchi «Brayton» safida 2021 yildan buyon harakat qilib kelmoqda. U joriy mavsumda jarohatdan tiklanayotgani bois hali biror marta maydonga tushmadi.
Mitomaning klub bilan amaldagi shartnomasi kelasi yozda yakuniga yetadi. Transfermarkt uning transfer qiymatini 22 mln yevroga baholamoqda.
