«Брайтон» вингери Каору Митома қишки трансферлар ойнасида жамоани тарк этиши мумкин.
TEAMtalk маълумотига кўра, япон футболчисининг клуб билан шартномани узайтириш эҳтимоли айни пайтда жуда паст. Томонлар ўртасида музокаралар олиб борилган, аммо улар натижасиз якунланган.
Шу сабабли Митоманинг январь ойида бошқа жамоага ўтиш эҳтимоли ошган.
29 ёшли футболчи «Брайтон» сафида 2021 йилдан буён ҳаракат қилиб келмоқда. У жорий мавсумда жароҳатдан тикланаётгани боис ҳали бирор марта майдонга тушмади.
Митоманинг клуб билан амалдаги шартномаси келаси ёзда якунига етади. Transfermarkt унинг трансфер қийматини 22 млн еврога баҳоламоқда.
