"Rayo Valyekano" bosh murabbiyi Benyat San Xose imkoniyat bo‘lsa, "Real" tarkibidan qaysi futbolchi yoki mutaxassisni olib tashlagan bo‘lar edi, degan savolga javob berdi.
"Men Mourinyuni olib tashlardim (kuladi). U futbol tarixidagi eng yaxshi murabbiylardan biri. Shuningdek, ularda dunyoning eng yaxshi darvozabonlaridan biri va eng yaxshi hujumchilardan biri bor", — deya San Xosening so‘zlarini Diario AS keltirdi.
12 sentyabr, shanba kuni "Rayo Valyekano" La Liga doirasida safarda Madridning "Real" klubiga qarshi maydonga tushadi. Uchrashuv Toshkent vaqti bilan soat 00:00 da boshlanadi.
O‘yin oldidan "Real" turnir jadvalida uchinchi o‘rinda bormoqda, "Rayo Valyekano" esa 14-pog‘onani egallab turibdi.
