«Atalanta» rahbariyati himoyachi Jorjo Skalvinining vakillari bilan yangi shartnoma tuzish bo‘yicha muzokaralarga kirishdi. Bu haqda jurnalist Ekrem Konur ijtimoiy tarmoqlarda ma’lum qildi.
Bergamoliklar va 22 yoshli futbolchi o‘rtasidagi amaldagi shartnoma 2028 yil iyun oyining oxirigacha amal qiladi. Transfermarkt ekspertlari futbolchining qiymatini 38 million yevro deb baholamoqda.
O‘tgan mavsumda Italiya chempionatida Skalvini Bergamo jamoasi safida 24 ta uchrashuv o‘tkazib, 3 ta gol va 1 ta golli uzatma qayd etdi.
Himoyachi «Atalanta»da 2021 yil yozidan buyon to‘p tepmoqda.
