«Bavariya» futbolchisi Jamal Musiala Chempionlar Ligasida «Budyo-Glimt» ustidan 5:0 hisobidagi g‘alabadan so‘ng o‘z taassurotlari bilan o‘rtoqlashdi.
23 yoshli yarim himoyachi 47-daqiqada gol urib, yirik hisobdagi g‘alabaga asos soldi. Bu nemis futbolchisi uchun joriy mavsumdagi ilk gol bo‘ldi.
«Asosiy tarkibga qaytib, gol urganimdan juda xursandman. Asta-sekin ritmga kirishyapman. Jamoa meni qo‘llab-quvvatladi: murabbiy, jamoadoshlarim — barchasi menga katta yordam berdi. Doimiy ravishda o‘ynashni, yana futboldan zavq olishni va eng yuqori darajamni ko‘rsatishni xohlayman», — dedi Musiala.
Musialaning goli «Bavariya»ning Chempionlar Ligasi tarixidagi 900-goli bo‘ldi.
Eslatib o‘tamiz, Jamal Musiala mavsum boshida sog‘ligi bilan bog‘liq muammolar sabab dastlabki uchrashuvlarni o‘tkazib yuborgan edi.
