«Бавария» футболчиси Жамал Мусиала Чемпионлар Лигасида «Будё-Глимт» устидан 5:0 ҳисобидаги ғалабадан сўнг ўз таассуротлари билан ўртоқлашди.

23 ёшли ярим ҳимоячи 47-дақиқада гол уриб, йирик ҳисобдаги ғалабага асос солди. Бу немис футболчиси учун жорий мавсумдаги илк гол бўлди.

«Асосий таркибга қайтиб, гол урганимдан жуда хурсандман. Аста-секин ритмга киришяпман. Жамоа мени қўллаб-қувватлади: мураббий, жамоадошларим — барчаси менга катта ёрдам берди. Доимий равишда ўйнашни, яна футболдан завқ олишни ва энг юқори даражамни кўрсатишни хоҳлайман», — деди Мусиала.

Мусиаланинг голи «Бавария»нинг Чемпионлар Лигаси тарихидаги 900-голи бўлди.

Эслатиб ўтамиз, Жамал Мусиала мавсум бошида соғлиги билан боғлиқ муаммолар сабаб дастлабки учрашувларни ўтказиб юборган эди.