«Atletiko» Madrid markaziy yarim himoyachisi Pablo Barrios mushak jarohati oldi va yaqin uchrashuvlarda jamoasiga yordam bera olmaydi. Bu haqda Marca xabar berdi.

Manbaga ko‘ra, ispaniyalik futbolchi Chempionlar ligasida «Liverpul»ga qarshi o‘yinda (1:2) jarohat olgan. Shu sababli Barrios Ispaniya chempionatining 5-turida «Real Sosyedad»ga qarshi uchrashuvni aniq o‘tkazib yuboradi. Shuningdek, uning 7-turda «Real»ga qarshi derbida ishtirok etishi ham deyarli istisno qilingan.

Joriy mavsumda Barrios barcha musobaqalarda 5 ta uchrashuvda maydonga tushib, 1 ta golli uzatma amalga oshirdi.