«Bavariya» bosh murabbiyi Vensan Kompani jamoa hujumchisi Luis Dias haqida fikr bildirdi. Kolumbiyalik futbolchi Bundesliganing joriy mavsumi boshida bir qator golli vaziyatlardan foydalana olmadi.
«Unga hozircha faqat yakuniy zarba yetishmayapti. Uning energiyasi joyida va u doimiy ravishda raqib uchun xavf tug‘dirmoqda. Ammo avvalo bunday vaziyatlarga kirishda davom etishi, himoyachilar ortiga yugurishlarni amalga oshirishi kerak.
Hozircha u shunday vaziyatlarga tushyapti, ehtimol, yakuniy bosqichda unga biroz omad yetishmayapti — zarbasi bloklanyapti yoki boshqa futbolchi oyog‘ini qo‘yib qolyapti. Eng muhimi, u vaziyatlar yaratayotgani. U xotirjamlikni saqlashi kerak, shunda yana gol ura boshlaydi», — dedi Kompani o‘yinoldi matbuot anjumanida.
