«Real» hujumchisi Kilian Mbappe joriy mavsumdagi 6-golini urdi.
Fransiya terma jamoasining 27 yoshli forvardi La Liga 5-turidan o‘rin olgan «Rayo Valyekano»ga qarshi bahsning 14-daqiqasida penaltini aniq amalga oshirib, hisobni ochdi.
Oradan uch daqiqa o‘tib, Mbappe Alvaro Karrerasning goliga ham assistentlik qildi.
Shu tariqa, fransuz futbolchisining joriy mavsumdagi 6 ta o‘yindagi hisobi 6 ta gol va 1 ta golli uzatmaga yetdi.
Mbappe bundan avval «Real Sosyedad»ga qarshi 4:1 hisobida yakunlangan bahsda xet-trik qayd etgan, shuningdek, «Malaga» (4:0) va «Inter»ga (2:0) qarshi uchrashuvlarda ham bittadan gol urgandi.
La Liga to‘purarlari ro‘yxatida esa Mbappe 5 ta gol bilan «Barselona» futbolchisi Rafinyadan bir gol ortda qolmoqda. Braziliyalik futbolchining hisobida 6 ta gol bor.
