Germaniyalik yarim himoyachi Ilkay Gyundogan yaqinlashib kelayotgan qishki transferlar oynasida «Galatasaroy»ni tark etishi mumkin.

Goal nashrining Turkiyaning Sözcü gazetasiga tayanib xabar berishicha, joriy mavsumda atigi 11 daqiqa maydonda harakat qilgan futbolchi faoliyatini MLS yoki Saudiya Arabistonida davom ettirishi ehtimol qilinmoqda.

Gyundogan «Galatasaroy» safiga 2025 yil kuzida qo‘shilgandi. U o‘tgan mavsum barcha musobaqalarda 38 ta o‘yin o‘tkazib, 5 ta gol urdi va 5 ta golli uzatma berdi.

Biroq joriy mavsumda u deyarli o‘yin amaliyotiga ega bo‘lmayapti.

Manbaga ko‘ra, bu holatga faqat taktik va sportga oid omillar sabab bo‘lmoqda. Gyundogan bilan bosh murabbiy Okan Buruk o‘rtasida qandaydir mojaro yoki kelishmovchilik borligi haqida ma’lumot yo‘q.