«Arsenal» bosh murabbiyi Mikel Arteta APLning 4-turida «Sanderlend»ga qarshi o‘yinda londonliklar darvozasiga penalti belgilanganidan norozi bo‘ldi.
«Kanonirlar» safarda 2:0 hisobida g‘alaba qozondi. 54-daqiqada, hisob 0:0 bo‘lib turgan paytda hakam Jon Bruks «Arsenal» darvozasiga 11 metrlik jarima zarbasini belgiladi. To‘p tepish uchun Enso Le Fe yaqinlashdi, ammo David Rayya uning zarbasini qaytardi.
«Barchasi butunlay boshqacha tus olishi mumkin edi. Bu qabul qilib bo‘lmaydigan holat. Bunday darajadagi qaror mavsum, chempionat taqdirini o‘zgartirib yuborishi mumkin. Vaziyatni o‘n marta qayta ko‘rib chiqdim, ishonch hosil qilish uchun. Men: “Bunday bo‘lishi mumkin emas”, deb o‘yladim. Bunday bo‘lmasligi kerak. Futbolda o‘tkazgan 27 yillik faoliyatim davomida hech qanday sharoitda, hech qanday kontekstda, hech qaysi daraja va hech qaysi ligada bu penalti emas», — dedi Arteta.
Artening jamoasi 12 ochko jamg‘argan va APL turnir jadvalida birinchi o‘rinda bormoqda.
