"Barselona" vingeri Lamin Yamal yoshligidanoq katta muvaffaqiyatlarga erishgani uning motivasiyasiga salbiy ta’sir qilmasligini ta’kidladi.
19 yoshiga qadar ispaniyalik futbolchi jahon va Yevropa chempioni bo‘lishga ulgurdi. Klub miqyosida esa Ispaniyadagi barcha asosiy sovrinlarni qo‘lga kiritgan.
"Futbol tarixida Maradona, Messi, Krishtianu kabi afsonalar bor. Ammo menimcha, hech kim mening yoshimda bunchalik ko‘p narsani yutishga erisha olmagan.
Odamlar shuncha g‘alabadan keyin men bo‘shashib qolaman, deb o‘ylaydi. Ammo men tarixda o‘z nomimni qoldirish uchun hali juda ko‘p ish qilishim kerakligini yaxshi bilaman", — dedi Yamal.
Yakshanba kuni Lamin Yamal La Liga doirasida "Levante"ga qarshi uchrashuvda dubl qayd etdi va "Barselona"ning 4:2 hisobidagi g‘alabasiga hissa qo‘shdi.
