«Barselona»ning ispaniyalik darvozaboni Joan Garsiya transfer bozorida katta qiziqishga sabab bo‘lmoqda. Bu haqda jurnalist Ekrem Konur ijtimoiy tarmoqlarda xabar berdi.

Manba ma’lumotiga ko‘ra, Yevropaning bir qator yetakchi klublari 25 yoshli darvozabonni o‘z safiga qo‘shib olishni rejalashtirmoqda. Hozircha unga qiziqish bildirayotgan klublar nomi oshkor qilinmagan.

Joan Garsiya o‘tgan yil yozidan buyon «Barselona» sharafini himoya qilib kelmoqda. Uning kataloniyaliklar bilan amaldagi shartnomasi 2031 yil iyun oyi oxiriga qadar mo‘ljallangan. Darvozabonning bozor qiymati 45 million yevroga baholanmoqda.

Joriy mavsum La Ligada Garsiya 5 ta uchrashuvda maydonga tushib, 4 ta gol o‘tkazib yubordi. Shu bilan birga, u 3 ta bahsda o‘z darvozasi daxlsizligini saqlab qoldi.