Ueyn Runi futboldagi videoassistent hakam (VAR) tizimiga keskin qarshi chiqdi.
Avvalroq «Manchester Yunayted» va «Manchester Siti» (0:1) o‘rtasidagi derbida VAR xatoga yo‘l qo‘ygan edi. Erling Xolandning goli hisobga olingan, biroq Enso Fernandes ofsayd holatida bo‘lib, raqib harakatlariga ta’sir ko‘rsatgan.
«Men VARdan allaqachon bezor bo‘ldim. Bu dahshatli. U futbolni barcha his-tuyg‘u va energiyasidan mahrum qilyapti. Futbolni istalgan darajada o‘ynagan har qanday inson Enso Fernandes ofsaydda bo‘lganini tushunadi. Bunday xatoga yo‘l qo‘yishni umuman tasavvur qilib bo‘lmaydi», — deya Runining so‘zlarini The Touchline iqtibos keltirgan.
«Manchester Siti» 23-daqiqadan boshlab bir kishi kam bo‘lib o‘ynaganiga qaramay, derbida g‘alaba qozondi.
