Уэйн Руни футболдаги видеоассистент ҳакам (ВАР) тизимига кескин қарши чиқди.

Аввалроқ «Манчестер Юнайтед» ва «Манчестер Сити» (0:1) ўртасидаги дербида ВАР хатога йўл қўйган эди. Эрлинг Холанднинг голи ҳисобга олинган, бироқ Энцо Фернандес офсайд ҳолатида бўлиб, рақиб ҳаракатларига таъсир кўрсатган.

«Мен ВАРдан аллақачон безор бўлдим. Бу даҳшатли. У футболни барча ҳис-туйғу ва энергиясидан маҳрум қиляпти. Футболни исталган даражада ўйнаган ҳар қандай инсон Энцо Фернандес офсайдда бўлганини тушунади. Бундай хатога йўл қўйишни умуман тасаввур қилиб бўлмайди», — дея Рунининг сўзларини The Touchline иқтибос келтирган.

«Манчестер Сити» 23-дақиқадан бошлаб бир киши кам бўлиб ўйнаганига қарамай, дербида ғалаба қозонди.