«Bavariya» bosh murabbiyi Vensan Kompani jamoa yarim himoyachisi Maykl Olisening yangi pozisiyasi haqida fikr bildirdi.

Fransiyalik futbolchi odatda klubda o‘ng qanotda o‘ynaydi, ammo 2026 yilgi Jahon chempionatida Fransiya terma jamoasi tarkibida «o‘nlik» pozisiyasida harakat qildi. Bu mavsumda u Chempionlar ligasining umumiy bosqichi 1-turidagi «Budyo/Glimt»ga qarshi o‘yinning (5:0) ikkinchi bo‘limida shu pozisiyada harakat qilib, ikkita gol urdi. Olise kecha Bundesligada safarda «Elversberg»ga qarshi (2:1) uchrashuvda ham shu pozisiyada o‘ynadi.

Kompani Olise «o‘nlik» pozisiyasida o‘z qobiliyatini eng yaxshi namoyon qila oladimi, degan savolga javob berdi:

«Yo‘q, Maykl o‘zining erkin pozisiyasida eng kuchli. Shuning uchun uni bugun o‘sha yerda yoki ehtimol boshqa joyda ko‘rishingiz mumkin. Muhimi, u to‘g‘ri zonalarda bo‘lishi va raqib darvozasigacha yetib borishi.

Biz Mayklning turli pozisiyalardan — qanotdan ham, markazdan ham ko‘p gollar urganini ko‘rganmiz. Men uchun eng muhimi — u xavfli bo‘lib qolishi», — dedi Kompani.