«Yuventus» bosh direktori Jovanni Karnevali jamoa bosh murabbiyi Luchano Spallettining iste’foga chiqarilishi mumkinligi haqida fikr bildirdi.
«Biz murabbiyni almashtirishni rejalashtirmayapmiz. Luchano Spalletti — ajoyib mutaxassis. Murabbiylar almashinuvi mening rejalarimga kirmaydi», — dedi funksioner Radio Anch’io lo sport efirida.
Italiya chempionatining 4-turida «Yuventus» safarda «Sassuolo»ga 2:3 hisobida mag‘lub bo‘ldi. Ayni paytda turinliklar 7 ochko bilan turnir jadvalida 8-o‘rinda bormoqda.
67 yoshli Spalletti 2025 yil oktyabridan buyon «Yuventus»ni boshqarib kelmoqda. Uning klub bilan shartnomasi 2027/28 yilgi mavsum oxiriga qadar amal qiladi.
