Madridning «Real» klubi hujumchisi Endrikning manfaatlarini himoya qiluvchi agent Tyago Freytas futbolchining jamoadan ketishi haqidagi mish-mishlarga munosabat bildirdi.
Braziliyalik futbolchining ijaraga ketishi ehtimoli butun yoz davomida muhokama qilindi. 20 yoshli futbolchi joriy mavsumda hali biror marta maydonga tushmagani sababli, uning jamoadagi holatidan norozi ekani haqidagi gap-so‘zlar hamon davom etmoqda.
«Endrik menga klubdan ketishni xohlayotganini aytmadi, doimiy o‘yin amaliyotiga ega bo‘lish uchun boshqa jamoaga o‘tish istagini ham bildirmadi. Bu borada aytilganlarning barchasi mutlaqo yolg‘on, bunday narsa bo‘lmagan», — deya Freytasning so‘zlarini Madrid Universal keltirmoqda.
Hujumchining «Real» bilan shartnomasi 2030 yilga qadar amal qiladi.
